Plantun de Prouvènço

Pèr coumpara dos planto d'encò nostre

Malva nicaeensis & Zea mays

fotò
fotò
Mauvo(-de-Niço)

Malva nicaeensis

Malvaceae

Nom en français : Mauve de Nice.

Descripcioun :
La mauvo-de-Niço trachis dins lis ermas, champ e proche dis oustau. Douno d'èr à la mauvo coumuno, pamens èi pu grando e se recounèis subretout i fueioun de soun "epicalice" (ço qu'èi dessubre li sepalo) que soun quàsi tant larg que long, e proun pelous sus li bord (fotò).

Usanço :
Avèn pas d'entresigne segur pèr aquesto planto, mai sèmblo bèn que tóuti li mauvo soun manjadisso. Se manjon li jóuini racino e fueio e peréu li fru que dounon d'èr à de froumage. Tout acò èi bon pèr ajuda à caga, à toussi. Soun peréu de bon remoulissènt.

Port : Grando erbo
Taio : 30 à 200 cm
Fueio : alterno
Tipe bioulougico : Teroufite
Cicle bioulougico :

Gènre : Malva
Famiho : Malvaceae



Coulour de la flour : Roso
Petalo : 5
Ø (o loungour) flour : 15 à 30 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Remarco : Planto de coustiero
Mai à juliet

Liò : Ermas - Champ - Escoumbre e proche dis oustau
Estànci : Termoumediterran à Mesoumediterran
Couroulougi : Mediterrano-Atlantico
Ref. sc. : Malva nicaeensis All., 1785

fotò
fotò
Blad-turc

Zea mays

Poaceae Graminaceae

Àutri noum : Turc, Cavalé, Barbou, Gros-blad, Blad-de-barbarié.

Nom en français : Maïs.

Descripcioun :
Lou blad-turc, apela simplamen turc dins la Vesubiò e l'Esteroun, es uno planto proun couneigudo qu'èi forço cultivado. La poudès peréu trouva dins lis escoumbre (coume eici). Se saup pas toujour que fai dos meno de flour, mascle en aut, e femelo sus lou coustat.

Usanço :
Es uno planto qu'èi vengudo d'Americo au siècle XVIen. Dins li valado dis Aup Marino proche d'Itàli, la farino douno la celèbro polenta. Se dis "gratar li turcs" pèr leva li gran de la raflo. La farino pòu servi d'emplastre pèr sougna la brouchito. Li barbo fan pissa. Li fueio (bratèio) seco de l'espigo servien pèr garni li matalas. S'atrobo pas dins la naturo, mai èi proche de Euchlaena mexicana o teosento.

Port : Grando erbo
Taio : Pancaro entresigna
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Zea
Famiho : Poaceae
Famiho classico : Graminaceae


Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun
Remarco : Planto cultivado

Liò : Champ - Escoumbre e proche dis oustau
Estànci : Pancaro entresigna
Couroulougi : Pancaro entresigna
Ref. sc. : Zea mays L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
CC
C
R
C
R
R
ges
ges

Malva nicaeensis & Zea mays

ges
C
ges
R
R
ges
ges
ges

Coumpara Mauvo(-de-Niço) emé uno autro planto

fotò

Coumpara Blad-turc emé uno autro planto

fotò